30 март куни Пойтахтдаги "Hilton Tashkent" меҳмонхонасида II Нotel Business Forum-2022 ўз ишини бошлади. Ўзбекистон Туризм ва маданий мерос вазирлиги ҳамда Отельерлар ассоциацияси томонидан ташкил этилган муҳокама платформаси меҳмондўстлик саноатини такомиллаштириш бўйича конструктив мулоқотни ташкил этишга режалаштирилган.
Даракчи сайти мухбири Ойбек Шукуровнинг хабар беришича, Форум сессияларида бешта асосий мавзу муҳокама қилинди:
• Бизнес жараёнларини такомиллаштиришда халқаро меҳмонхона брендининг ўрни.
• Меҳмондўстлик соҳасидаги профессионал кадрлар – хизматлар сифатини ошириш омили.
• Молиявий модел Ўзбекистонда меҳмонхона очиш инвестиция лойиҳасининг бир қисми сифатида.
• Меҳмонхона хизматлари ва туроператорлар ўртасидаги ҳамкорликнинг халқаро тажрибаси.
• HORECAдаги тенденциялар ва янгиликлар. Қандай қилиб меҳмонхона ресторанлари самаралироқ бўлиши мумкин?
Тадбирнинг асосий мақсади мамлакатда меҳмонхона саноатининг барқарор ва узлуксиз ривожланишини қўллаб-қувватлашдан иборат.
Шунингдек бугун Ўзбекистондаги ОТМдаги Туризм йўналиши талабалари учун чет эллик мутахассислар томонидан мастер-класс ташкил этилди.
Бундан ташқари II Нotel Business Forum-2022 доирасида 31 март куни Ўзбекистоннинг Биринчи миллий меҳмондўстлик мукофотини топшириш маросими бўлиб ўтади. Бу мамлакатнинг меҳмондўстлик саноатида сайёҳлик жозибадорлиги ва хизмат кўрсатиш салоҳиятини оширишда муҳим омил бўлиб хизмат қилиши кутилмоқда.
