Америка урушни ўрганиш институти (Institute for the Study of War) 3 апрелдан 4 апрелга ўтар кечаси Украинада амалга ошган ҳарбий ҳаракатларнинг янги харитасини эълон қилди.
Унда Россия қўшинларининг чиқиб кетиши якунланаётгани, бироқ тегишли тартибда эмаслигини кўриш мумкин. Украина кучлари Киевни рус аскарларидан тозалашда давом этмоқда. Институт хулосасига кўра, Россия қўшинлари Днепрнинг шарқий ва ғарбий қирғоқларидан Черниговдан шимолга ва Броваридан шарққа ўтиш орқали чиқиб кетмоқда. Киевдан чекинаётган рус кучлари жангга қайтишлари учун анча вақт талаб этилади.
Россия бўлинмалари ўртасида жанговар операцияларни ўтказиш бўйича буйруқларни рад этиш ҳолати кузатилмоқда. Бу эса яқинда Донбасс яқинига келган иккита батальон тактик гуруҳнинг Жанубий Осетиядаги базаларига қайта жойлаштирилишига олиб келиши таъкидланган.
