Наманганда ”S-I.S.” хусусий корхонаси таъсисчиси А.И. ўғли А.нинг фуқаролардан бўлган қарзларини қоплаш мақсадида, келини Г.ни корхона раҳбарлигига тайинлаб, корхона номига банк филиалидан паррандачилик фаолиятини ташкил этиш учун ажратилган 2 млрд сўм кредит маблағи эвазига сотиб олинган мулкларни сотиб юбориб, кредит маблағини талон-торож қилган.
Бу ҳолат Бош прокуратура ҳузуридаги Департаментнинг Наманган шаҳар бўлими томонидан “Микрокредитбанк” АТБ Наманган филиалининг мурожаатига асосан ўтказилган терговга қадар текширувда аниқланган.
Иқтисодий жиноятларга қарши курашиш департаментининг маълум қилишича, айни пайтда мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
