Халқ депутатлари Ўрта Чирчиқ тумани кенгашининг навбатдан ташқари сессиясида ташкилий масала кўрилди. Бу ҳақда туман ҳокимлиги матбуот хизмати хабар бермоқда.
Ўрта Чирчиқ тумани ҳокими лавозимида фаолият олиб борган Нурматов Олимжон Раҳимжанович соғлиги ёмонлашгани туфайли вазифасидан озод этилди.
Туман ҳокимининг биринчи ўринбосари лавозимида фаолият юритиб келаётган Қосимов Ихтиёр Рустамович туман ҳокими вазифасини бажарувчи этиб тайинланди.
И. Қосимов 1986 йилда Янгийўл туманида туғилган. Тошкент давлат Иқтисодиёт Университети ҳамда Президент бошқарув Академияларини тамомлаган.
