Қашқадарёнинг бир нечта туманларида кучли шамол маҳаллий чанг тўзонларни келтириб чиқараётгани айтилмоқда.
Хусусан, Яккабоғ туманида кучли шамол эсиши ортидан, чанг тўзонлар кўтарилмоқда. Кўриниш масофаси бироз чегараланган.
Эслатиб ўтамиз, "Ўзгидромет"нинг 11-14 апрель кунлари кузатиладиган об-ҳаво маълумотига кўра, Қорақалпоғистон ҳамда Хоразмда ҳаво ўзгариб туради, 11 апрелда баъзи жойларда қисқа муддатли ёмғир ёғиши, момақалдироқ бўлиши мумкин. 12-14 апрелда ёғингарчилик кутилмайди. Ғарбий шамол йўналишини ўзгартириб, шарқдан 7-12 м/с тезликда эсади, 11 апрелда шамол тезлиги 17-22 м/с гача кучайиши, айрим жойларда чанг тўзон бўлади.
