Хабарингиз бор, Ўзбекистон Президенти Шавкат Мирзиёев томонидан республика бўйлаб "Яшил макон" умуммиллий лойиҳаси эълон қилинган. Лойиҳа доирасида йилига 200 млн. туп дарахт ва бута кўчатларини экиш режалаштирилган. Мазкур хайрли лойиҳа жойларда кўтаринки тарзда ташкил этилмоқда.
Жумладан, "Яшил макон" умуммиллий лойиҳаси доирасида Ўзбекистон экологик партияси, "Аrashan" компанияси, Тошкент педиатрия институти ва "Даракчи" ҳамкорлигида "Яшил макон" умуммиллий лойиҳаси доирасида мевали ва манзарали дарахтлар экиш Экологик акцияси ўтказилди.
Акцияга ҳамкор ташкилотларнинг ходимлари жалб этилиб, Тошкент педиатрия институти майдонига 100 дан ортиқ дарахтлар экилди.
Шунингдек акция доирасида, иштирокчилар учун"Даракчи" томонидан эсдалик совғалари топширилди.
