Тошкент метрополитенининг Пушкин бекатида 2000-йилда таваллуд топган фуқаро А.Б (эркак) қасддан поезд йўлагига ўзини ташлаган. Бу ҳақда Тошкент метрополитени хабар бермоқда.
Қайд этиш лозимки, 5 дақиқа поездлар ҳаракати тўхтатилган, машинистнинг тезкор тўхташи натижасида йўловчи омон қолган. Ички ишлар ҳамда метрополитен ходимлари томонидан ҳеч қандай жароҳасиз қутқариб олинди.
"Батафсил маълумотни ўрганиш ишлари якунидан сўнг маълум қиламиз" дейилади хабарда.
Эслатиб ўтамиз, февраль ойида ҳам Тошкент метросида эркак ўзини поезд тагига ташлаб вафот этган эди.
