АҚШ президенти Жо Байден 2021 йилда кўрган даромадларига оид ҳисоботни эълон қилди. Бу ҳақда Reuters хабар бермоқда.
Қайд этилишича, Байден рафиқаси Жилл билан бирга 610,7 минг доллар ишлаб топган. Байденлар оиласи ўтган йил давомида 150,4 минг доллар федерал солиқ тўлаган. Бу эса даромад солиғи 24,6 фоизни ташкил қилган.
Бундан ташқари, улар 174,4 минг доллар ҳайрия ишларига пул сарфлашган. Шундан 5 минг доллари Бо Байден номидаги болаларни ҳимоя қилиш фондига тушган.
Маълумот учун, Жо Байден президентлик лавозимида 378,3 минг боллар ишлаб топган. Рафиқаси эса ўқитувчи сифатида 67 минг доллар ишлаган.
