Туркиянинг бой флораси ҳам профессионал, ҳам ҳаваскор ботаниклар учун хазинанинг ўзгинаси. 12 000 га яқин ўсимлик турлари мавжуд бўлган Туркия флораси ҳаваскор ва профессионал ботаниклар учун жуда керакли манба ҳисобланади. Мамлакатда бутун Европа қитъаси билан таққосланадиган даражада ўсимлик турлари хилма-хиллиги мавжуд.
Маълумки Туркия, Европа-Сибир, Ўрта ер денгизи ва Эрон-Турон минтақаларини ўз ичига оладиган уч хил ўсимлик географиясига эга дунёдаги ягона давлатдир. Туркиядаги ўсимликларнинг 3500 дан ортиғи (30%) эндемик ҳисобланиб, бу ерда шунингдек 2300 дан ортиқ қўзиқорин турлари ҳам учрайди.
Табиатни севувчи саёҳатчилар Туркиянинг бой флорасини мамлакатнинг табиий ландшафтлари, миллий ва ботаника боғлари орқали нодир географик ҳусусиятлари ҳақида маълумотга эга бўлишлари мумкин.
Туркиянинг ноёб флора ва фаунасини кузатиш ва улар ҳақида батафсил маълумотга эга бўлиш учун – 46 та миллий боғ, 259 та табиат боғи, 31 та қўриқхона ҳудуди, 114 та табиий зона ва 85 та ёввойи табиатни ривожлантириш зоналари мавжуд.
Иғнеада миллий боғи
Туркия шимоли-ғарбидаги Қирқларелидан 97 километр узоқликда жойлашган Иғнеадаги миллий боғ 3155 гектар майдонни эгаллайди.
Бой биологик хилма-хилликга эга Иғнеада текис ўрмонлар, ботқоқликлар, чучук сувли кўллар ва қирғоқларини ўз ичига олган ноёб экотизимлардан бири ҳисобланади.
2007 йилда миллий боғ деб эълон қилинган ва 472 хил ўсимлик турига эга минтақада, шунингдек Сака кўли, Дениз кўли, Ҳамам кўли, Педина кўли, Мерт кўли, Эрикли кўли каби кўллар тизимини ўз ичига олади.
Табиат мўъжизаларини суратларга мухрлайдиган ботаниклар учун кўзни қамаштирувчи ландшафтлар, шунингдек, қорабаклан қуши, оқ думли бургутлар, майда керкенезлар ва майда яшил ўрмон қушлари каби жами 194 турдаги қушларни учратиш мумкин бўлган иғнеада қушларни ҳам кузатиш мумкин бўлган марказ ҳисобланади. У ерда ўз чодирингизни қуриб, табиат билан ҳамнафас бўлишингиз мумкин.
Туз кўли ҳавзаси
Туз кўли Туркиядаги иккинчи йирик кўл ва дунёдаги энг катта шўрланган кўллардан бири ҳисобланади. Бу фламинголар кўпаядиган кам сонли ҳудудлардан бири бўлиб, ҳар йили бу ерда ўртача 10 000 та фламинго дунё юзини кўради. Кўлнинг сув ҳарорати ва иқлим шароити мақбул бўлганда, тухумдан чиқадиган полапонлар сони 20 000 га етади, бу дунёдаги энг катта кўрсаткичлардан биридир.
Яқин вақтгача бу ғайриоддий кўл фақат шўрланиш даражаси билан машҳур бўлиб, қалдирғоч ва ёввойи ғоз каби бошқа кўчманчи қушлар учун яшаш жойи сифатида танилган эди. Аммо 2020 йилда бир гуруҳ турк олимлари Туз кўлида 72 хил ноёб эндемик ўсимлик турларини аниқлагач, ушбу кашфиёт илм-фан оламида катта шов-шувга сабаб бўлди ва эндиликда Туз кўли ботаника ихлосмандлари ва қушларни кузатувчиларни ҳам ўзига жалб қилмоқда. Кўл одатда жуда саёз бўлиб, унинг мўъжизавий кўриниши, ўсимлик ва ҳайвонот дунёси қизиқувчилари учун суратга олиш имкониятларини тақдим этади.
Яқин вақтгача бу ғайриоддий кўл фақат шўрланиш даражаси билан машҳур бўлиб, қалдирғоч ва ёввойи ғоз каби бошқа кўчманчи қушлар учун яшаш жойи сифатида танилган эди. Аммо 2020 йилда бир гуруҳ турк олимлари Туз кўлида 72 хил ноёб эндемик ўсимлик турларини аниқлагач, ушбу кашфиёт илм-фан оламида катта шов-шувга сабаб бўлди ва эндиликда Туз кўли ботаника ихлосмандлари ва қушларни кузатувчиларни ҳам ўзига жалб қилмоқда. Кўл одатда жуда саёз бўлиб, унинг мўъжизавий кўриниши, ўсимлик ва ҳайвонот дунёси қизиқувчилари учун суратга олиш имкониятларини тақдим этади.
Отатурк дендропарки
1949 йилда асос солинган ва Мустафо Камол Отатурк таваллудининг 100 йиллигини нишонлаш доирасида 1982 йилда Отатурк дендропарки номини олган бу табиат жаннати Истанбулнинг энг яшил туманларидан бири, Белград ўрмонига туташ бўлган Сариерда жойлашган.
Уч минг квадрат метр майдонни эгаллаган Отатурк дендропаркида 2000 дан ортиқ маҳаллий ва экзотик ўсимлик турлари, шунингдек, ўрдак ва оққушлар яшайдиган учта кўл ва минглаб дарахтлар, жумладан эман, арча, қизил дарахт, алдер ва чинорлар ўсади. Истанбул университети ўрмон хўжалиги факультетига қарашли Отатурк дендропаркига душанбадан ташқари ҳар куни ташриф буюриш мумкин.
Газиантеп ботаника боғи
2009 йилда 17 минг квадрат метр майдонда ташкил этилган Газиантеп ботаника боғи Газиантепдаги биринчи ботаника боғИ ҳисобланади. Мамлакатдаги йўқолиб бораётган ўсимликлар коллекциясини ташкил этувчи ушбу ям-яшил ҳудудда турли даражадаги ўсимлик турларини ўқувчиларга таништириш бўйича турли тренинглар ташкил этилмоқда.
Бу машҳур боғ орқали ботаника ихлосмандлари нафақат ғайриоддий ўсимликларни кашф этишлари, балки Туркиянинг ўзига хос ўсимликлари ҳақида ҳам маълумот олишлари мумкин.
