Тожикистон чегара хизмати Афғонистондан ракета зарбаси берилганини тасдиқлади. Бу ҳақда Спутник Тожикистон хабар бермоқда.
Шундай қилиб, 4 та снаряд Амударёга, яна 3 таси яқин атрофдаги ўрмонга тушган.
Ҳодиса Хатлон вилоятининг Фархор туманида содир бўлганини Спутник Тожикистонга чегара хизматидаги манба маълум қилган.
Унинг сўзларига кўра, фавқулодда ҳодиса натижасида республика ҳарбий хизматчилари ва маҳаллий аҳоли жабрланмаган.
"Чегарачилар афғон террорчилари бўлган машинани кўрди. Машина ёниб кетди, уч нафар ҳужумчи яраланди, бири айниқса оғир", - деди манба.
Унинг таъкидлашича, ҳодиса "жиддий эмас, аҳоли хавотирга тушмаслиги керак".
Аввалроқ афғон матбуоти воқеа ҳақида хабар берган эди. Уларга кўра, номаълум жангарилар Тахар вилоятининг Хўжа Гўри туманидаги Тожикистон-Афғонистон чегарасида “Toyota” русумли автомашинадан 7 та ракета отган, сўнг қочиб кетган.
Афғонистоннинг Тожикистон билан чегарадош вилоятида портлаш содир бўлган. Журналистлардан бирининг қайд этишича, бунга жавобан тожик ҳарбийлари ўт очган.
Афғонистон матбуотига кўра, Толибон воқеада “Ислом давлати” террорчилари зиммасига олган*. Шунингдек, “Жамоат Ансоруллоҳ*” ташкилоти жангарилари республикага ҳужум қилгани ҳақида хабарлар бор.
