Конституциявий ислоҳотлар жараёнида Қозоғистоннинг асосий қонунидан биринчи президент – Элбоши Нурсултон Назарбоев, унинг мақоми ва ваколатлари ҳақидаги барча нормаларни чиқариб ташлаш режалаштирилмоқда.
Бу ҳақда Конституцияга ўзгартиришлар киритиш бўйича ишчи гуруҳ аъзоси Марат Башимов хабар берди.
Маълум қилинишича, ўтган ҳафта бўлиб ўтган якуний йиғилишда конституциявий кенгаш ишчи гуруҳи томонидан тайёрланган ўзгартиришлар лойиҳасининг Конституцияга мувофиқлиги тўғрисида қарор қабул қилган.
