Turkish Airlines Истанбулдан Бухорога парвозларни йўлга қўйди. Бу ҳақда UzDaily.com сайти компания бош директори Билол Экшига таяниб маълум қилди.
Унга кўра, авиакомпания 7 июндан Бухорога парвозларни йўлга қўяди.
Шунингдек, авиакомпания Тошкент, Фарғона, Урганч ва Самарқандга парвозлар частотасини оширмоқда. 9 майдан бошлаб авиакомпания Тошкент ва Истанбул ўртасида ҳафтасига 17 марта парвоз қилади.
Шунингдек, Turkish Airlines Истанбул ва Фарғона ўртасидаги рейслар сонини 10 майдан ҳафтасига 3 та, Истанбул ва Самарқандга ҳафтасига 4 тага, Истанбул-Урганч ўртасида эса 16 майдан ҳафтасига 2 тага оширмоқда.
