Хитойнинг Шанхай шаҳрида коронавирус билан боғлиқ вазият сабабли ҳаракатда бўлган иккита метро линияси фаолияти тўхтатилди. Бу ҳақда Риа Новости хабар бермоқда.
"10 май соат 13:00 дан бошлаб Шанхай метросининг олтинчи ва ўн олтинчи йўналишлари ўз фаолиятини тўхтатади. Айни пайтда Шанхай метросининг барча йўналишлари ва станциялари ўз фаолиятини тўхтатди", - дейилади хабарда.
Шанхай метроси узунлиги бўйича дунёда биринчи ўринда туради - 831 километр, 20 линия ва 508 станцияга эга. COVID-19 пандемияси бошланишидан олдин йўловчи ташиш кунига ўн миллиондан ортиқ кишини ташкил этган.
