Кеча, 11 май куни ўзбекистонлик биринчи гроссмейстер Георгий Аъзамов хотирасига бағишланган “Tashkent open-2022” XV Халқаро турнири якунланди. Бу хақда Спортни ривожлантириш вазирлиги хабар бермоқда.
Маълум қилинишича, шахматчилар “А” ва “Б” гуруҳларига бўлинган ҳолда маҳоратларини синовдан ўтказишган. Якунда сербиялик гроссмейстер Александр Инджич 1-ўринни, 2-ўринни ўзбекистонлик Жавоҳир Синдаров ва 3-ўринни норвегиялик Евгений Романовга эгаллаган.
20 ёшгача бўлган ўсмирлар ўртасида Шамсиддин Воҳидов, Муҳриддин Мадаминов ва Абдумалик Абдусалимовлар ғалаба нашидасини суришган.
Фахрийлар ўртасида кечган беллашувларда Вячеслав Аъзамов ва Обиджон Юсупов ғалаба ғалабани расмийлаштиришган.
Шунингдек,аёллар ўртасида ўзбекистонлик жаҳон чемпиони Умида Омонова 1-ўрин, 2-ўрин қозоғистонлик Алия Нурманова ва 3-ўрин Бибисара Ассайбаева эгалик қилган.
Шу тариқа, Мукофот жамғармаси 25 000 АҚШ долларига эга бўлган нуфузли турнирнинг барча ғолиб ва совриндорларига пул мукофотлари топширилгани айтилади.
