Sevimli

Ўзбекистон Бош вазири топшириғига кўра автоҳалокатга учраган ўзбекистонликларга ёрдам кўрсатиш учун ишчи гуруҳ Қозоғистонга юборилди

ЖАМИЯТ 13.05.2022, 13:52
Ўзбекистон Бош вазири топшириғига кўра автоҳалокатга учраган ўзбекистонликларга ёрдам кўрсатиш учун ишчи гуруҳ Қозоғистонга юборилди

ФВВ Қозоғистон Республикасининг Жамбул области Жуалин районида содир бўлган йўл-транспорт ҳодисаси юзасидан қўшимча маълумот берди.

Маълум қилинишича, Ўзбекистон Республикаси Бош вазирининг тегишли топшириғига асосан, Қозоғистон Республикаси Жамбул области Жулаин тумани ҳудудида содир бўлган йўл-транспорт ҳодисаси оқибатида жабрланган Ўзбекистон Республикаси фуқароларига зарур ёрдам кўрсатиш, уларни Ўзбекистонга қайтариш ҳамда ҳодисанинг келиб чиқиш сабабларини ўрганиш мақсадида Фавқулодда вазиятлар вазири ўринбосари раҳбарлигида Ички ишлар, Ташқи ишлар, Соғлиқни сақлаш ва Транспорт вазирликлари масъул ходимларидан иборат ишчи гуруҳ тузилиб, Қозоғистон Республикасига юборилди.

Ҳамкорликда амалга оширилаётган зарур ишлар юзасидан қўшимча маълумотлар бериб борилади.

Эслатиб ўтамиз, Нукус – Олмаота йўналиши бўйлаб ҳаракатланаётган автобусда 53 нафар йўловчи, шу жумладан 47 нафар Ўзбекистон Республикаси фуқароси бўлган. Воқеа оқибатида 2 нафар Ўзбекистон фуқароси ҳалок бўлган.

Шарҳлар

Кун мавзуси: коронавирус
Об-ҳаво: Ташкент
+15.12° небольшой проливной дождь
Валюта курси
11088.20
USD -42.37
11642.61
EUR -71.2
177.91
RUB 2.69
1