Ҳиндистон пойтахти Деҳлида камида 27 кишининг ҳаётига зомин бўлган офис биносида содир бўлган ёнғиндан сўнг 28 нафар бедарак йўқолганлар ҳақида хабарлар тарқалди. Бу ҳақда Times of India хабар бермоқда.
"Бизга бедарак йўқолганлар ҳақида 28 та хабар келиб тушди. Биз аризачилар ва уларнинг бедарак йўқолганлар билан муносабатлари ҳақида маълумот тўплаяпмиз... Ҳар қандай маълумот олишимиз билан улар хабардор қилинади", — фуқаро муҳофазаси вакили Сунил Кумар.
Ўт ўчирувчилар қидирув-қутқарув операцияси давомида иккинчи қаватда одам қолдиқларини топишди. Бироқ, у ерда қанча одам ҳалок бўлгани маълум эмас.
"Ўлганлар сони ортиши мумкин", деди Деҳли ўт ўчириш бошқармаси бошлиғи Атул Гарг.
