Sevimli

Пойтахтда "Мен ғолиб" шиори остида югуриш марафони бўлиб ўтди

ЖАМИЯТ 16.05.2022, 15:54
Пойтахтда "Мен ғолиб" шиори остида югуриш марафони бўлиб ўтди

Пойтахтимизнинг Олмазор туманида жойлашган "Ғалаба боғи" мажмуасида "Мен ғолиб" шиори остида югуриш марафони бўлиб ўтди. Унда Мудофаа, Ички ишлар, Фавқулодда вазиятлар вазирликлари, Давлат хавфсизлик хизмати, Давлат божхона қўмитаси, Президент Давлат хавфсизлик хизмати, Миллий гвардия ҳарбий хизматчилари, Қуролли кучлар фахрийлари ҳамда турли вазирликлар ва ташкилотлардан келган меҳмонлар ва спорт ишқибозлари иштирок этишди. Марафон қатнашчилари Қорақамиш, Кичик ҳалқа йўли, Сағбон, Олтинсой, Дилсарой кўчалари орқали "Ғалаба боғи"даги финишга етиб келишди.

Ҳарбий хизматчилар ўртасидаги марафонда 1-ўринга Мудофаа вазирлиги шарафини ҳимоя қилган Марказий ҳарбий округи ҳарбий хизматчиси, лейтенант Нуриддин Раҳматов сазовор бўлди. 2-ўрин эса Давлат хавфсизлик хизмати вакилига насиб этган бўлса, 3-ўринни ҳам Мудофаа вазирлиги жамоаси вакили қўлга киритди.

Бундан ташқари марафонда олий ҳарбий таълим муассасалари курсантлари орасидан ҳам ғолиблар аниқланди. Унга кўра 1-ўрин Қуролли кучлар академияси шарафини ҳимоя қилган курсантларга, 2-ўрин Ўзбекистон Республикаси Жамоат хавфсизлиги университетига,  3-ўрин Ички ишлар академиясига насиб этди.

Умумжамоа ҳисобида 3-ўринни Президент Давлат хавфсизлик хизмати жамоаси эгаллади. 2-ўринни Давлат хавфсизлик хизмати вакиллари қўлга киритишган бўлса, марафоннинг мутлақ ғолиби сифатида Мудофаа вазирлиги жамоаси эътироф этилди.

Марафон сўнгида ғолиб ва совриндорлар медаль, кубок ҳамда эсталик совғалари билан тақдирланишди.

 

Шарҳлар

Кун мавзуси: коронавирус
Об-ҳаво: Тошкент
+33.97° очиқ ҳаво
Валюта курси
10830.17
USD -16.91
11391.17
EUR -19.96
203.96
RUB 0.07
1