Италия А Серияси 36-тури доирасида «Венеция»га қарши ўйинда (1:1) рақиб дарвозасига гол киритиб, жамоасини мағлубиятдан қутқариб қолган Элдор Шомуродов баҳсдан сўнг Corriere dello Sport’га фикрлари билан ўртоқлашди. Бу ҳақда Tribuna.uz хабар бермоқда.
«Мен мураббийга керак бўлган вақтда ҳар доим шай туришга ҳаракат қиламан. Мухлисларимиз қаршисидаги муҳим ўйинда майдонни бир очко билан тарк этишимиз афсусларнарли, чунки мақсадимиз «Венеция»ни мағлуб этиб, турнир жадвалида Европа лигаси йўлланмасини нақд қилиш эди.
Шунга қарамай, жамоам билан фахрланаман. Биз охиригача курашдик. Келаси баҳсда ҳам фақат ғалаба ҳақида ўйлашимиз керак. Кейин эса Конференциялар лигаси финалига ҳозирлик кўрамиз», - дейди ўзбекистонлик ҳужумчи Corriere dello Sport мухбири билан суҳбатда.
