Туркманистон халқаро авиарейсларни тикламоқчи

Туркманистонда тез орада халқаро авиарейслар тикланади. Бу ҳақда мамлакат президенти Сердар Бердимуҳаммедов маълум қилди, дея ёзмоқда Замон интернет нашри.

У бу ҳақда вазирлар маҳкамаси йиғилишида айтиб ўтган. Бердимуҳаммедов дунёда коронавируснинг янги турлари билан касалланиш камайганини ва кўп давлатлар авиарейсларни тиклаганини қайд этди.

Бундан олдин 1 июндан бошлаб Ашхобод-Дубай ва Ашхобод-Қозон йўналишларида мунтазам қатновлар тикланганди. Улар ҳафтада бир марта амалга оширилади.