Доминиканнинг Red Air авиакомпаниясининг самолёти Майами халқаро аэропортига (АҚШнинг Флорида штати) қўнганидан сўнг ёниб кетди. Бу ҳақда ТАСС хабар бермоқда.
Маълум қилинишича, самолёт сешанба куни маҳаллий вақт билан соат 17:30 атрофида қўнди. Қўнгандан сўнг олдинги шасси ишламай қолган, самолёт ёниб кетган, бироқ ёнғин тезда ўчирилган. Самолёт бортида 126 киши бўлган. Аэропорт вакилининг CNN телеканалига айтишича, уч киши енгил тан жароҳати олган ва шифохонага етказилган. Қолган йўловчилар автобусда терминалга етказилган.
