Бирлашган Миллатлар Ташкилотининг Қочқинлар бўйича Олий комиссарлиги маълумотларига кўра, уруш бошланганидан бери саккиз миллиондан ортиқ одам Украинани тарк этган. Бу ҳақда манбаларга таяниб, Zamon.uz' нашри хабар қилмоқда.
Қочқинларнинг аксарияти Польшага йўл олган – БМТнинг 21 июндаги маълумотларига кўра, мамлакат 4 миллиондан ортиқ украиналикни қабул қилди. Қочқинлар Руминия, Молдова, Словакия, Венгрия ва бошқа Европа давлатларига ҳам борган.
БМТ Қочқинлар бўйича Олий комиссарлиги маълумотларига кўра, уруш бошланганидан бери Украинадан Россияга 1,3 миллиондан ортиқ одам ўтган.
