Бош прокуратура ҳузуридаги Муборак туман бўлими томонидан тезкор тадбир ўтказилди.
Унда, “Муборак деҳқон бозори” олдида валюта қимматликларини муомалага киритиш фаолияти шуғулланиб келаётган О.Н. бошқа бир фуқаро Х.га жами 3 700 АҚШ долларини 41 млн сўмга сотган вақтида ашёвий далиллар билан ушланган.
Шу каби, Ғузор туман бўлими томонидан ўтказилган тезкор тадбирда, “Ғузор деҳқон бозори” олдида валюта қимматликларини муомалага киритиш фаолияти шуғулланиб келаётган А.Қ. фуқаро Н.га жами 3 000 АҚШ долларини 33,3 млн сўмга сотган вақтида ашёвий далиллар билан ушланган.
Шунингдек, Департаментнинг Самарқанд шаҳар бўлими томонидан Миллий гвардия ходимлари билан ҳамкорликда ўтказилган тезкор тадбирда, фуқаро П.М. “Эркин савдо” мажмуаси олдида валюта қимматликлари савдоси билан шуғулланиб келиб, фуқаро А.га жами 2 950 АҚШ долларини 33,9 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
