Расман: "Тонировка" нархи аниқ бўлди

ЖАМИЯТ 29.06.2022, 00:50
Расман: "Тонировка" нархи аниқ бўлди

Ўзбекистонда автомобилларнинг олд ён ойналари тусини ўзгартиришга берилувчи рухсат учун тўлов миқдори базавий ҳисоблаш миқдорининг саккиз баравари этиб белгиланди. 

Бу ҳақда "Автотранспорт воситаларидан фойдаланишда аҳолига қўшимча қулайликлар яратиш чора-тадбирлари тўғрисида"ги президент қарорида сўз боради.

Қарор билан жорий йил 1 июлдан бошлаб енгил автотранспорт воситаларининг орқа ён ойналари тусини ўзгартириш (қорайтириш) учун рухсатнома олиш тартиби бекор қилинмоқда.

Тартибга мувофиқ 2022 йил 1 сентябрдан бошлаб:

а) ишлаб чиқарилганига ўн йилгача бўлган жисмоний шахсларга тегишли енгил автомототранспорт воситаларини техник кўрикдан ўтказиш ихтиёрий равишда амалга оширилади;

б) енгил автомототранспорт воситаларини мажбурий техник кўрикдан ўтказишнинг қуйидаги муддатлари белгиланади:

  • ишлаб чиқарилганига ўн бир йилдан ўн тўрт йилгача бўлган енгил автомототранспорт воситалари – икки йилда бир марта;
  • ишлаб чиқарилганига ўн беш йил ва ундан ортиқ бўлган енгил автомототранспорт воситалари – бир йилда бир марта.

Бунда мазкур муддатлар тижорат асосида йўловчилар ташиш фаолиятида фойдаланиладиган енгил автомототранспорт воситалари учун татбиқ этилмайди.

Шарҳлар

Об-ҳаво: Тошкент
Валюта курси
1