Пойтахтдаги Алишер Навоий номидаги миллий академик драма театри майдонида ташкил этилган "Тошкент ёшлар карнавали-2022" 20 мингдан зиёд ёшларни қамраб олди. Карнавал иштирокчилари эса ўзбекистонлик машҳур спортчи, блогер, актёр, раққос ва бошқалар бўлишди.
Жумладан, Ирода Тўлаганова, Дили.ми, Лил Хуррамовлар томонидан ўзгача чиқишлар ташриф буюрувчиларга кўтаринки руҳ бағишлади десак муболаға бўлмайди.
Тошкент шаҳар ҳокимлиги ташаббуси билан ўтказилган мазкур карнавални ташкил этишдан мақсад аҳолига, айниқса, таътилдаги ёшларга яхши кайфият улашиш, уларни миллий ва бошқа давлат анъаналари билан таништириш ҳамда юртимизга кўпроқ сайёҳларни жалб қилиш.
