Бухоро тарихий марказидаги собиқ Шаҳристон бозори ҳудудида Нью Йорк университети ҳузуридаги қадимги дунёни ўрганиш институти профессори Soren Stark (New York University, Institute for the Study of the Ancient World, Soren Stark) бошчилигида бир гуруҳ тадқиқотчилар томонидан олиб борилган археологик тадқиқотлар якунланди. Унга кўра бозор ҳудудидан қадимги ноёб деворий суратлар топилди. Бу ҳақда Маданий мерос агентлиги хабар қилмоқда.
Археологлар томонидан қазилган иккинчи хандақдан (Траншея ИИ) деворий расмнинг маълум бир қисмлари деб тахмин этилаётган қолдиклар топилган.
Тадқиқотчиларнинг таъкидлашича, ушбу деворий расмлар қолдиқлари Варахшадаги Бухорхудотлар саройидан топилган деворий расмлардан тахминан тўрт аср олдин ишланган.
Археологларнинг янги топилмалари фақат ушбу деворий расмлар билан якунлангани йўқ.
"Тадқиқотчилар ноодатий сирланган яшил от шаклидаги болалар ўйинчоғини ҳам топишган. Кейинги йилларда ҳам ушбу ҳудудда археологик қазилма ишлари олиб борилиши режалаштирилган" дейилади хабарда
