Сурхондарё вилояти Туризм ва маданий мерос бошқармаси, Бойсун тумани ҳокимлиги ва туман кадастр бўлимлари ходимларидан иборат ишчи гуруҳ Юнон-Бақтрия тарихи музейини ташкил этиш бўйича дастлабки ишларни бошлади.
Бу ҳақда Туризм ва маданий мерос агентлиги ахборот хизмати хабар бермоқда.
Маълум қилинишича, дастлаб музей учун ажратилган жойларнинг координатлари аниқланиб, ҳудуд харитасига киритилган. 21х14 метр майдонда музей лойиҳасини тузиш бўйича келишиб олинган.
Шу билан бирга, Маданий мерос агентлиги томонидан ёдгорликнинг муҳофаза ҳудудини белгилаш, объектни паспортлаштириш, реставрация ва консервация қилиш бўйича ҳам лойиҳалар тайёрланмоқда",-дейилади хабарда.
