Ўзбекистон Гидрометеорология хизмати байрам ва дам олиш кунларида кутилаётган об-ҳаво маълумотини эълон қилди.
Унга кўра, бугун Ўзбекистон бўйича ҳаво бироз булутли бўлади, ёғингарчилик кутилмайди. Ҳаво ҳарорати кундузи 30-35° ни ташкил этади, бу иқлимий қийматлардан бироз пастдир.
Қурбон ҳайитини нишонлаш кунларида мамлакатимизнинг барча ҳудудлари бўйича кам булутли об-ҳаво кузатилади, ушуб даврда ёғингарчилик кутилмайди. Республиканинг айрим жойларида шамол 15-20 м/с гача кучайиши мумкин. Ҳарорат фони қулай бўлиб, кечаси 17-22°, кундузи 9 июлда 30-35°, 10-12 июлда 32-37° атрофида бўлиши кутилмоқда.
9-10 июль кунлари Фарғона вилоятининг айрим тоғли ҳудудларида баъзи жойларда қисқа муддатли ёмғир ёғиши, момақалдироқ бўлиши мумкин.
