Синдзо Абэнинг беваси Акиэ Абэ ўтирган машина автоҳалокатга учради. Бу ҳақда “Kyodo” ахборот агентлиги хабар берган.
Маълум қилинишича, ҳодиса Токионинг ўзида, метрополитен экспресс йўлининг ички айланма ҳаракат қатновининг кесишмасида рўй берган.
Акиэ Абенининг орқасидан яна бир қўриқчи машина кетаётган бўлган.
Токио метрополитен полицияси департаментига кўра, ҳеч ким жабрланмаган, жумладан Акиэ ҳам. Пойтахт полиция бошқармаси ЙТҲга тўқнашув содир қилган автомашинани бошқараётган шахснинг эҳтиётсизлиги сабаб бўлганини аниқлаган.
Эслатиб ўтамиз, бир муддат аввал Япония собиқ бош вазири сайлов кампаниясида нутқ сўзлаётган пайтида отиб кетилгани ва бунинг видеосини эълон қилган эдик.
Маълум бўлишича, собиқ вазирни отган шахс Абэнинг сиёсатидан норози бўлган. У тергов вақти полицияга онаси диний гуруҳга катта миқдорда хайрия қилганини ва у гуруҳни япон раҳбари билан боғлиқ деб ҳисоблашини, шу боис, нафратда эканини билдирган. Хабарларга асосан, ўз вақтида йирик хайрия қилган гумонланувчи онасининг молиявий кейинчалик аҳволи оғирлашган. Собиқ бош вазирни отган эркакда айнан шундан аламзадалик пайдо бўлган бўлиши мумкин.
"Менинг оилам бу динга қўшилди ва ташкилотга пул хайрия қилганимиздан кейин ҳаётимиз қийинлашди", дейди ишсиз Тетсуя Ямагами полицияга берган баёнотида.
"Мен ташкилотнинг юқори лавозимли амалдорини нишонга олмоқчи эдим, аммо бу қийин эди. Шундай қилиб, мен Абени (ташкилотга) боғланганига ишонганим учун нишонга олдим. Мен уни ўлдирмоқчи эдим"-дейди у.
Нара префектураси полицияси раҳбари матбуот анжуманида ҳужумнинг олдини олмагани учун узр сўраган ва мамлакат хавфсизлиги бўйича муаммолар борлигини инкор этиб бўлмаслигини билдирган.
Дилбар Абдунабиева.
