Сўнгги беш йилда Марказий Осиё давлатлари билан ташқи савдо ҳажми 2,5 баробарга кўпайиб, 6 миллиард доллардан ошган. Ўзбекистонда қўшни давлатлар капитали иштирокида қарийб 2000 та қўшма корхона очилган.
Бугун, 8 август куни Шавкат Мирзиёев бошчилигида бўлиб ўтган йиғилишда шулар ҳақида маълумот бериб ўтилди ва Марказий Осиё давлатлари билан иқтисодий ҳамкорликни кенгайтиришга оид янги лойиҳа ва таклифлар кўриб чиқилди.
Йиғилишда Марказий Осиё давлатлари билан иқтисодий ҳамкорликни кенгайтиришга оид янги лойиҳа ва таклифлар кўриб чиқилди, дея хабар бермоқда давлат раҳбари матбуот котиби Шерзод Асадов.
"Мамлакатимизда кичик бизнесни янада ривожлантириш мақсадида ҳудудларнинг инвестицион жозибадорлиги миллий рейтингини ишлаб чиқиш тизими ҳам мухокама қилинди",-дейилади унда.
Ўзбекистон етакчиси кўриб чиқилган масалалар бўйича аниқ топшириқлар берган.
