Таҳририятимизга Тошкент вилояти Оҳангарон туманида жойлашган, "Қизилой" МФЙга қарашли, тоғли ҳудуд ҳисобланган "Ўрғазой" қишоғидан мурожаат келиб тушди.
Маълум бўлишича, қишлоқ аҳолиси бир неча йиллардан буён ичимлик суви масаласида айрим муаммоларга дуч келишмоқда.
2021 йилда мазкур қишлоқ "Обод қишлоқ" дастурига киритилган, бироқ ичимлик суви учун пластик қувурлар ётқизилиб, ишлар охирига етказилмасдан, чала ҳолатда ташлаб кетилган.
Мурожаатчининг айтишича, улар ариқдан сув ичишади.
"Тоза ичимлик сувини ота-боболаримиз ҳам кўрмай, ўлиб кетишган, шу кетишда тоза ичимлик суви болаларимизга ҳам армон бўлиб қолса керак", — дейди мурожаатчи.
Масъуллардан мазкур муаммога эътибор қаратишларини сўраб, тегишли муносабат кутиб қоламиз!
