Sevimli

Қашқадарёда "Ёшлар туризми" қурултойига старт берилди (фото+видео)

ЖАМИЯТ 09.08.2022, 20:53
Қашқадарёда "Ёшлар туризми" қурултойига старт берилди (фото+видео)

8 август... Ўзбекистонда ёшлар бандлигини таъминлашга қаратилган махсус қурултойда иштирок этиш учун мамлкат ёшлари секин-аста Шаҳрисабзда жамланишни бошлади..

Бугун эса интиқиб кутилган мазкур "Ёшлар туризми" қурултойига старт берилди. 

Айни дамда бўлиб ўтаётган тадбирнинг расмий очилиш маросимида Туризм ва маданий мерос вазири Азиз Абдуҳакимовнинг хабар беришича, июль ойида ўтказилган Ёшлар туризм ойлигида 200 мингга яқин ёшларнинг ички туризм саёҳатлари ташкил этилди.

"Қадим Шаҳрисабзнинг “Лочин” оромгоҳида 4 кун давомида китобхонлик, маҳорат дарслари, миллий ва этноспорт турлари бўйича спорт мусобақалари, маданий кўнгилочар тадбирлар, гала-концерт ва бошқа тадбирлар мамлакатимизнинг турли ҳудудларидан келган ёшларнинг  дўстона муҳитда яшаб, янги лойиҳалар устида фикр алмашиши йўлида хизмат қилади",-дейди Абдуҳакимов сўзи аввалида ёшларга уларни кўриб турганидан мамнун эканини билдириб. 

"Ўйлайманки, бугунги Қурултой иқтидорли ёшларни саралаш, уларнинг туризмни ривожлантиришга оид  лойиҳаларини қўллаб-қувватлаш орқали малакали мутахассисларни тайёрлаш, ёшлар бандлигини таъминлашга асос бўлиб хизмат қилади",-дейди вазир.

Маълум қилинишича, тадбир доирасида ёшлар томонидан тақдим қилинган энг яхши туризм лойиҳаларига Туризм ва маданий мерос вазирлиги томонидан биринчи ўринга - 30 млн. сўм, иккинчи ўринга - 20 млн. сўм, учинчи ўринга эса 10 млн. сўм, жами - 60 млн. сўмлик мукофот маблағларлари ажратилган.

Бундан ташқари, 30 ёшгача бўлган ёшларнинг туроператорлик фаолиятини қўллаб-қувватлаш мақсадида 50 млн. сўмлик грант маблағлари ҳам шулар жумласидан.

Ойбек Шукуров.

Шарҳлар

Кун мавзуси: коронавирус
Об-ҳаво: Тошкент
+26.97° очиқ ҳаво
Валюта курси
11010.33
USD 30.32
10851.78
EUR -52.47
183.58
RUB 2.47
1