Бугун, 22 август куни Ўзбекистон президенти Шавкат Мирзиёевнинг бир гуруҳ тадбиркорларни тақдирлаш маросими бўлиб ўтмоқда.
Учрашув аввалида Шавкат Мирзиёев тадбиркорларга алоҳида мурожаат қилди.
“Қонунчилик палатасига ҳам мурожаат қилдик, керак бўлган қонунларниям ўзгартирамиз. Бугунги очиқ мулоқотда ҳам ўз таклифларимни айтаман. Бу таклифларимдан кейин саволлар ҳам камаяди, деб ўйлайман. Бу кимгадир ёқади-ёқмайди, мен сизларнинг биринчи адвокатларингман. Бепул адвокат”, деди президент нуқтининг бошида.
Тадбирда давлат раҳбари тегишли фармон билан тақдирланган бир қатор тадбиркорларга давлат мукофотларини топширди. Жумладан, АҚШлик тадбиркор, Пахтакор туманидаги «Silverleafe» қўшма корхонаси бош директори Даниел Паттерсон ҳам давлат мукофоти билан тақдирланди. У «Дўстлик» орденига лойиқ кўрилган.
Шунингдек, яна кўплаб тадбиркорларга «Меҳнат шуҳрати», «Дўстлик» орденлари ва «Шуҳрат» медали тақдим этилди.
Тўлиқ рўйхат билан ушбу ҳаволада танишиш мумкин.
