Астрономлар гуруҳи коинотдаги энг катта юлдузнинг вазни қанча эканини аниқлади. Бу ҳақда "Phys.org" хабар берди.
Буни аниқлаш учун энг йирик "R136a1" юлдузини ўрганиш бошланган. У Катта Магеллан булутида (Сомон йўлининг энг катта сунъий йўлдош галактикаси) жойлашган бўлиб, тахминан 150-200 қуёш массасига тенг. Самовий жисм Ердан тахминан 150 минг ёруғлик йили узоқликда жойлашган.
Кашфиёт "Gemini" обсерваторияси телескопи ёрдамида амалга оширилган. Айнан унинг ёрдами билан олимлар кластернинг ҳозирги кунгача энг аниқ тасвирларини олган.
Маълум қилинишича, кузатишлар натижаси ҳеч бўлмаганда энг катта юлдузлар массасининг юқори чегарасини аниқлашда ёрдам беради. Бу, ўз навбатида, уларнинг шаклланиш механизмларини тушуниш учун ҳал қилувчи аҳамиятга эга бўлиши мумкин.
