Қозоғистонда Ташқи савдо сиёсати ва халқаро иқтисодий ташкилотларда иштирок этиш масалалари бўйича минтақалараро комиссия дон ва ун экспорт қилишдаги чекловларни олиб ташлади. Бу ҳақда «Zakon.kz» хабар берди.
Мамлакат Қишлоқ хўжалиги вазирлиги маълумотларига кўра, Қозоғистонда ғалладан яхши ҳосил бўлиши кутилмоқда. 2022 йилда 13 миллион тоннадан ортиқ буғдой йиғиб олиш режалаштирилган, бу 2021 йилги ҳосилдан 12 фоизга кўпдир. Ички истеъмол учун тахминан 6,5 миллион тонна талаб қилинади.
Чеклов Қишлоқ хўжалиги вазирлигининг буйруғи билан 2022 йил 8 июлдан 30 сентябргача киритилганди.
