NASA 6 сентябрь куни Ер ёнидан товушдан тез ҳаракатланадиган астероид учиб ўтишини маълум қилди, дея ёзмоқда Zamon.uz' сайти.
Астрономларнинг таъкидлашича, у ўқдан ўн баробар тезроқ ҳаракатда. Олимлар самовий жисмга “2022 QC7” деб ном беришган. Унинг кенглиги 36 метр бўлиб, бу Boeing-767 қанотларининг ярмига тенг.
“2022 QC7” астероиди сайёрамизга соатига 32 760 км тезликда, яъни товуш тезлигидан тахминан 27 марта тез яқинлашмоқда", – дейилади хабарда.
Коинот агентлиги маълумотларига кўра, космик жисмнинг Ер билан тўқнашуви юз бермайди.
