Sevimli

Save Aral – 2022: Наманганда оммавий югуриш мусобақасининг учинчи босқичи бўлиб ўтди

СПОРТ 07.09.2022, 23:00
Save Aral – 2022:  Наманганда оммавий югуриш мусобақасининг учинчи босқичи бўлиб ўтди

Save Aral халқаро марафони кузги мавсумининг маршрути Бухоро вилоятидан Нурота шаҳрига кўчди. 

Ташкилий қўмитанинг маълум қилишича, 3000 дан ортиқ иштирокчи ушбу спорт тадбирига қўшилиб, 3 км масофага югуришда ўз кучини синаб кўрган. Масофада Мудофаа вазирлиги, шунингдек, Миллий гвардия ва Ўзбекистон Республикаси Ички ишлар вазирлиги вакиллари иштирок этишган. 

Тадбир арафасида Навоий вилоятининг Нурота тумани ҳокимиятининг ходимлари ва Енгил атлетика федерацияси вакиллари спорт тадбирининг хавфсиз ва қулай ўтиши учун тайёргарлик ишларини амалга оширган.  

"Енгил атлетика федерацияси трассани халқаро стандартларга мувофиқ тарзда тайёрлашга катта аҳамият беради", - деб таъкидлаб ўтади лойиҳанинг бош ҳаками Хасанбой Ортиқов.

"Бу оммавий югуриш мусобақалари профессионал спортчилар учун мўлжалланмаганига қарамай, шартлар ҳамма учун тенг бўлиши керак – текис ер юзаси, аниқ масофа, барча иштирокчиларнинг хавфсизлиги таъминланиши керак. Трасса кичик ва катта ёшдаги югурувчилар учун ҳам, ногиронлиги бўлган шаҳхслар учун ҳам қулай бўлиши шарт",-дейди у.

Қайд этилишича, оммавий югуриш мусобақасининг маршрути шаҳарнинг марказий кўчаларининг биридан бошланиб, Навоий вилоятининг машҳур жойларидан бири бўлган ҳамда минглаб туристлар учун зиёратгоҳ жойи ҳисобланган "Чашма" тарихий мажмуасигача етиб борган. 

Таъкидланишича, мажмуа "чашма" булоғи қисмидаги маданий-тарихий обидалар қаторидан ташкил топган. Улар орасида Муҳаммад Нурота мақбараси, XVI аср масжидлари ва унинг ҳудудида Ўрта Осиёда биринчилардан бўлиб сув таъминоти тармоғи қурилган Искандар Зулқарнайн давридаги қалъа бор.  

"Шаҳар тарихининг сув ресурсларига алоҳида муносабати билан чамбарчас боғлиқлиги Save Aral – 2022 спорт оммавий югуриш мусобақасининг учинчи босқичини Нуротада ўтказиш сабабларидан бирига айланди",-дейилади хабарда.

Маълумот учун, Ўзбекистон шаҳарларида 2019 йилдан буён ўтказиб келинаётган Save Aral хайрия лойиҳаси кенг жамоатчилик эътиборини Орол денгизи ҳавзасидаги антропоген-табиий кризис ҳамда унинг мамлакатдаги экологик вазиятга таъсирига қаратишга қаратилган.

Мусобақада энг тез натижа кўрсатган иштирокчилар Нурота вилояти ҳокимлиги ва Енгил атлетика федерацияси томонидан совғалар билан тақдирланишган.

Шунингдек, ҳуқуқ-тартибот идоралари вакиллари ҳам оммавий югуриш мусобақасида шахсий баҳсларда беллашган. Биринчи ўринни Мудофаа вазирлиги вакили, иккинчи ўринни Ички ишлар вазирлиги ва учинчи ўринни Миллий гвардия қўшинлари эгаллагани айтилади.

Эслатиб ўтамиз, Save Aral – 2022 оммавий югуриш мусобақасининг навбатдаги босқичи 24-центябр куни Самарқанд шаҳрида ўтказилиши режалаштирилган.

Шарҳлар

Кун мавзуси: коронавирус
Об-ҳаво: Тошкент
+19.97° очиқ ҳаво
Валюта курси
11010.33
USD 30.32
10851.78
EUR -52.47
183.58
RUB 2.47
1