Нью-Йорк штатида полиомиелит тарқалиши сабабли фавқулодда ҳолат эълон қилинди. Буйруқни губернатор Кэти Хоул имзолаган.
21 июль куни Рокленд округида эмланмаган фалаж полиомиелит касаллиги аниқланган. Вирус вакцинадан олинган полиомиелит вируси сифатида аниқланган ва охирги марта Нью-Йоркда 1990 йилда қайд этилган.
“Нью-Йорк штатида фалокат юз берди, маҳаллий ҳокимият уни бартараф эта олмайди. Шу билан 2022 йил 9 октябргача штат бўйлаб фавқулодда ҳолат эълон қиламан”, дейилади ҳужжатда.
Июнь ойида Буюк Британия соғлиқни сақлаш агентлиги Лондон канализациясида полиомиелит вируси излари топилганидан кейин миллий фавқулодда ҳолат эълон қилганди.
