Қирғизистон Президенти Садир Жапаров 14-16 сентябр кунлари Ўзбекистонга амалий ташриф билан келади ва Самарқандда ўтказиладиган ШҲТ Давлат раҳбарлари кенгашининг навбатдаги йиғилишида иштирок этади. Бу ҳақда Қирғизистон Республикаси Президенти Администрацияси ташқи сиёсат бўлими бошлиғи Муратбек Азимбакиев маълум қилди.
Садир Жапаров ШҲТ доирасида Россия Федерацияси Президенти Владимир Путин, Хитой Халқ Республикаси Раиси Си Сзинпин, Эрон Ислом Республикаси Президенти Иброҳим Раисий, Покистон Бош вазири Шаҳбоз Шариф, Ўзбекистон Президенти Шавкат Мирзиёев .билан икки томонлама учрашувлар ўтказади.
