Европа Иттифоқи Украина мактабларини реставрация қилиш учун юз миллион евро ажратиш ниятида. Бу ҳақда Еврокомиссия раҳбари Урсула фон дер Леен Страсбургда Европарламент депутатлари олдидаги йиллик ҳисоботида айтди, дея хабар бермоқда "Zamon.uz" сайти.
"Украинанинг биринчи хоними билан биргаликда Украинадаги урушдан жабрланган мактабларни тиклашга ёрдам бериш устида ишлаймиз. Бу эҳтиёжлар учун юз миллион евро ажратамиз. Украина келажаги мактаблардан бошланади", — деган Еврокомиссия раҳбари.
