Хитой Украина низосининг барча томонларини мулоқот ва музокараларга чақиради. Бу ҳақда ХХР ташқи ишлар вазирлиги расмий вакили Ван Вэньбинь маълум қилди. Бу ҳақда “zamon.uz” ёзмоқда.
“Хитойнинг Украина низоси бўйича позицияси аниқ: биз барча томонларни ўт очишни тўхтатишга ва музокараларга қайтишга чақирамиз, шунингдек, ҳар икки тарафнинг хавфсизлик соҳасидаги қонуний хавотирлари инобатга олиниши зарур”, – дея дипломат Россияда эълон қилинган қисман ҳарбий сафарбарликка ўз муносабатини билдирган.
