Истеъдодли хонанда, Ўзбекистонда хизмат кўрсатган артист Равшан Намозов вафот этди

ЖАМИЯТ 24.09.2022, 09:10
Истеъдодли хонанда,  Ўзбекистонда хизмат кўрсатган артист Равшан Намозов вафот этди

Ўзбекистонда хизмат кўрсатган артист Равшан Намозов вафот этди. Бу ҳақда ўзбек шоу-бизнес вакиллари Instagram’даги саҳифалари орқали хабар қолдирмоқда. 

Маълумот учун, хонанда 7 йилдан буён 2-даражадаги хафақон хасталиги билан курашади. Шу йилнинг январь ойида Равшан Намозовнинг гематология шифохонасида даволанаётгани, унга шошилинч қон кераклиги, саломатлиги жиддий хавф остида эканлиги айтилган эди. 

Ўзбекистонда хизмат кўрсатган артист Равшан Намозов 1961 йилнинг 10 июлида Сурхондарё вилоятининг Термиз шаҳрида туғилган. Термиз мусиқа билим юртини тамомлаб, отаси — Ўзбекистонда хизмат кўрсатган артист Абдураҳмон Намозов ва Шокир Маҳмудовлардан сабоқ олган. У фаолиятини 1989 йили ташкил этилган «Қарс» гуруҳида бошлаган. У 1985 йил Германия ўтказилган «Ёшлар фестивалида» ва 1989 йили Олмаота шаҳрида ташкил этилган «Осиё овози» кўрик танловида Гранд-Прини қўлга киритган. 1991 йилдан буён яккахон ижод қилаётган хонанда 1993 йили Ўзбекистонда хизмат кўрсатган артист унвони билан тақдирланган. "Чипрадалли", "Ковушим", "Ёр-ёр ёрон-эй", "Биё-биё", "Хаёл", "Мана шунақа" каби қўшиқлари халқ орасида машҳур.

"Darakchi.uz" жамоаси марҳумнинг яқинларига ҳамдардлик билдириб қолади. 

Шарҳлар

Об-ҳаво: Тошкент
+0.97° ҳаво очиқ
Валюта курси
11203.13
USD -9.84
11604.20
EUR -18.04
183.91
RUB 0.29
1