Логистика самарадорлиги индексида Ўзбекистон 160 та давлат ичидан 120-ўринни эгаллади

ЖАМИЯТ 28.09.2022, 21:04
Логистика самарадорлиги индексида Ўзбекистон 160 та давлат ичидан 120-ўринни эгаллади

Давлат раҳбари транспорт соҳастидаги айрим жиҳатларни танқид остига олди.

Бугун, 28 сентябрь куни  Президент Шавкат Мирзиёев транспорт соҳасида ислоҳотларни жадаллаштириш масаласи бўйича йиғилиш ўтказди,  дея хабар бермоқда давлат раҳбари матбуот хизмати.

Қайд этилишича, йиғилишда ҳали фойдаланилмаётган имкониятлар, қилинадиган ишлар кўрсатилган. 

Масалан, охирги уч йилда мамлакатимиз иқтисодиёти 16 фоиз ўсгани ҳолда, темир йўлда юк айланмаси атиги 7 фоиз ошган. Авиацияда рақобат муҳити тўла шаклланмаган, 10 та аэропортнинг самарадорлиги паст даражада. Оқибатда, рақобатдош нархларда етказиб бериш қулайлиги бўйича Халқаро логистика самарадорлиги индексида мамлакатимиз 160 та давлат ичида 120-ўринни эгаллаган.

Йиғилишда транспорт тизимидаги муаммоларни ҳал этиш ва аниқ натижаларга эришиш бўйича таклифлар муҳокама қилинган айтилади.

"Бу соҳа – иқтисодиётнинг қон томири. Транспорт ва логистикани янги босқичга олиб чиқмасак, иқтисодиётнинг барқарор ривожини таъминлай олмаймиз", – дейди Мирзиёев.

Жараёнда учта йўналиш – темир йўл транзити имкониятини кескин ошириш, авиацияни қулай, тез ва сифатли хизмат кўрсатадиган соҳага айлантириш, халқаро транзит юклари учун замонавий автомобиль йуллари тармоғини кенгайтириш бўйича чоралар белгиланган.

Стратегик ислоҳотлар агентлиги таркибида транспорт соҳаси бўйича алоҳида гуруҳ тузиб, асосланган таклифлар ишлаб чиқиш вазифаси қўйилган. 

Президент, шунингдек, автомобиль йўлларининг сифати ва салоҳиятига алоҳида тўхталган. Маълум қилинишича, бу соҳада лойиҳалаштириш, қуриш ҳамда назорат функциялари битта ташкилотда жамланган. Бунинг оқибатида кўп йўлларда сифат йўқ. Шу боис йўл қурилишида илғор стандартларни жорий этиш, лаборатор ишларни кучайтириш, пудратчилар масъулиятини ошириш бўйича топшириқлар берилган.

Транспорт инфратузилмасини кенгайтириш ва соҳани рақамлаштиришга қаратилган кўплаб вазифалари белгиланган.

Маълумот учун, Ўзбекистнраҳбарининг топшириғига кўра, Стратегик ислоҳотлар агентлиги томонидан соҳадаги ишлар натижадорлиги таҳлил қилинганда, бир қатор муаммолар аниқланган. Хусусан, кеча

Шарҳлар

Об-ҳаво: Тошкент
+0.97° ҳаво очиқ
Валюта курси
11203.13
USD -9.84
11604.20
EUR -18.04
183.91
RUB 0.29
1