Қизларни Тошкентдан Туркияга фоҳишалик қилиш учун юбораётган аёлларга суд ҳукми ўқилди

ЖИНОЯТ 30.09.2022, 11:54
Теглар: Туркия, Одам савдоси, ДХХ
Қизларни Тошкентдан Туркияга фоҳишалик қилиш учун юбораётган аёлларга суд ҳукми ўқилди

ДХХ матбуот хизмати "darakchi.uz"га одам савдоси билан шуғулланган аёлларнинг жиноятлари тафсилотлари ҳақида маълумот тақдим этди.  

Маълум қилинишича, Тошкент вилоятининг Ўртачирчиқ туманида яшовчи, 1999 й.т. “М.Р.” (аёл) ҳамда Нурафшон шаҳрида истиқомат қилувчи, 2000 й.т. “Қ.А.” (аёл) ўзаро тил бириктириб, қизларни Туркия давлатига фоҳишалик билан шуғулланиш учун юборишган.

Туркияда яшовчи “А” исмли аёл эса қизларга авиачипта сотиб олиш, уларни кутиб олиш ҳамда фоҳишалик билан шуғуллантириш ишларига масъул бўлган.

Жумладан, 2022 йилнинг апрель ойи бошларида “М.Р.” ва“Қ.А.”лар Тошкент шаҳрида яшовчи, 1992 й.т. “А.А.”ни Туркия давлатига бориб, фоҳишалик билан шуғулланиш орқали ҳар ойда 2 минг АҚШ доллари ишлаб топишга қизиқтиришган ҳамда дастлабки “даромади”нинг тенг ярмини уларга бериши кераклигини тушунтиришган.

Ўз навбатида Туркия давлатида яшовчи “А” исмли аёл “А.А.”га хорижга чиқиш паспорти олиши учун 50 АҚШ доллари ва “Тошкент-Истамбул-Анқара” йўналиши бўйича авиачипта юборган.

ДХХ ходимлари томонидан ИИВ ҳамкорлигида ўтказилган тезкор тадбирда “М.Р.” қизни Тошкент халқаро аэропортига олиб келиб, Туркия давлатига юбормоқчи бўлган вақтида қўлга олинди.

Шунингдек, тезкор-қидирув тадбирлари жараёнида унинг шериги “Қ.А.” ҳам ушланди.

Уларга нисбатан Жиноят Кодексининг 135-моддаси билан жиноят иши қўзғатилиб, тергов ҳаракатлари олиб борилди.

Жорий йилнинг август ойида жиноят ишлари бўйича Миробод туман суди томонидан “М.Р.”ганисбатан 3 йил ва “Қ.А.”га нисбатан эса 5 йил муддатга озодликдан маҳрум қилиш жазоси тайинланди. 

Лекин “Қ.А.”ни оилавий шароитини, икки нафар вояга етмаган фарзандлари борлигини инобатга олиб, Жиноят Кодексининг 72-моддаси қўлланилиб, тайинланган озодликдан маҳрум қилиш жазоси шартли ҳисобланиб, 2 йил синов муддати белгиланди. 

Шарҳлар

ДХХ адвокатларнинг ноқонуний ҳаракатларига чек қўйди (видео)

27.08.2022, 11:41

Тошкент шаҳридаги адвокатлик фирмаси адвокати, 1985 й.т. шахс ўзининг юқори лавозимларда ишловчи танишлари орқали тадбиркорга МЧЖда ўтказилган камерал Cтекшируви натижасида аниқланган ҳуқуқбузарликлар юзасидан молиявий жарима...
Шавкат Мирзиёев Туркия ички ишлар вазирини қабул қилди

28.07.2022, 15:54

Ўзбекистон Президенти Шавкат Мирзиёев амалий ташриф билан мамлакатимизда бўлиб турган Туркия ички ишлар вазири Сулаймон Сойлуни қабул қилди. Бу ҳақда Президент матбуот котиби Шерзод Асадов...
4 куни давом этадиган Қурбон Ҳайити Туркияда қай тарзда нишонланади?

12.07.2022, 22:18

Қурбон ҳайити Ислом тақвимига кўра Зулҳижжа ойининг 10-кунида нишонлана бошлаган ва тўрт кун давом этган диний байрам сифатида танилган. Зулҳижжа ойининг 9-кунига Арафа куни дейилади....
Боксчи қизлар жаҳон чемпионатида қатнашиш учун Туркияга жўнаб кетди (таркиб)

06.05.2022, 09:11

Бир неча кундан сўнг, 9 май куни Туркиянинг Истанбул шаҳрида бокс бўйича аёллар ўртасида жаҳон чемпионати бошланади. Бугун мусобақада қатнашадиган Ўзбекистон терма жамоаси аъзолари Туркияга...
Об-ҳаво: Тошкент
+5.97° tumanli
Валюта курси
11230.39
USD 7.78
11700.94
EUR 113.6
186.04
RUB 0.65
1