Венгрия бош вазири санкциялар ўзини оқламаганини айтди, дея хабар бермоқда Zamon.uz' сайти.
Қайд этилишича, Виктор Орбан Евроиттифоқнинг Россияга қарши санкцияларини хато деб атаган.
“Санкциялар уларга қўйилган умидларни оқламади. Европа аста-секин яраланмоқда, бу пайтда эса Россия яхшигина пул ишламоқда. Бир нарса аниқ: Брюсселнинг хато санкциялар сиёсатини ўзгартириш керак”, – деган у ЕИнинг норасмий учрашувида.
Шу билан бирга Орбан Венгрия нефть эмбаргосидан ташқарида эканини ва қатор чекловларга қўшилмаганини эслатиб ўтган. Бош вазирнинг фикрича, айнан санкциялар Энергетик ресурсларнинг нархини кескин ошиб кетишига олиб келди.
