Ядро қуролини қўллаш мутлақо мумкин эмас.
Бу ҳақда Германия канцлери Олаф Шольц Прагадаги Евроиттифоқнинг норасмий саммити якунида маълум қилди, дея ёзмоқда Zamon.uz' сайти.
Маълум қилинишча, Шольц Россия томонидан келаётган ядро таҳдидини барча биргаликда тўхтатиши лозимлигини, акс ҳолда бутун дунё катта хавф остида қолишини таъкидлаган. Канцлернинг сўзларига кўра, саммитнинг барча иштирокчилари Украинага сиёсий, иқтисодий ва ҳарбий жиҳатдан қўллаб-қувватлашни тасдиқлаган.
Шу билан бирга Германия канцлери Европа давлатлари, жумладан, Германия ҳам Украина шарқида ўтказилган “референдумлар”ни тан олмаслигини қайд этган.
