Бугун, 10 октябрь куни Украинанинг оммавий ўққа тутилиши фонида Россия Федерацияси Хавфсизлик кенгашининг йиғилиши бўлиб ўтди. Бу ҳақда “Zamon.uz” сайти хабар берди.
Учрашув аввалида президент Владимир Путин Украинани “терроризм”да айблаб, Курск атом электр стансиясига қарши аллақачон учта теракт, шунингдек, “Турк оқими”га путур етказишга уринишлар содир этилганини айтган.
Путин бугунги ҳужумларни “Россияга бўлаётган таҳдидларга жавоб” дея изоҳлаган.
“Бугун эрталаб Мудофаа вазирлиги таклифи билан Украинанинг энергетика, ҳарбий қўмондонлик ва алоқа обектларига узоқ масофали аниқликдаги қуроллар билан оммавий зарба берилди. Ҳудудимизда террорчилик ҳужумларини амалга оширишга уринишлар давом этса, Россия Федерациясидан жавоб чоралари қатъий бўлади”, — дейди у.
