Айни пайтда Фарғона вилоятининг Қўқон шаҳрида ”Qo‘qon etnosport chellenj—2022“ республика фестивали бошланди, дея хабар бермоқда "darakchi.uz" мухбири.
Тадбирнинг очилиш маросимида Туризм ва маданий мерос вазири ўринбосари Бахтиёр Ибрагимов ва Қўқон шаҳар ҳокими М.А.Усмоновлар нутқ сззлади.
Қайд этилишича, мазкур фестиваль Ўзбекистон Президентининг 2022 йил 29 июлдаги «Туркий давлатлар билан туризм соҳасидаги ҳамкорликни жадал ривожлантириш чора-тадбирлари тўғрисида»ги қарори ижроси доирасида ташкил этилмоқда.
Фестиваль дастуридан бир-биридан қизиқарли миллий халқ ўйинлари ҳамда цирк томошалари ўрин олган. Ҳар бир миллий спорт ва этноўйин ва цирк усталари намойиши учун ажратилган майдонларда кўргазмали чиқишлар қилиши кутилмоқда.
