Украина президенти Владимир Зеленский G7 давлатлари етакчиларига Киевга қурол-яроғ етказиб беришни кўпайтириш илтимоси билан мурожаат қилади.
Zamon.uz' сайти буни маълум қилди.
Қайд этилишича, “Катта еттилик” етакчилари учрашиб, Украинани қўллаб-қувватлашни кучайтириш имкониятларини муҳокама қилади. Бундан ташқари, G7 аъзолари Минск Украина яқинида қўшинларни жойлаштиргани учун Беларусга “огоҳлантириш” бериши мумкин.
Маълумот учун, аввалроқ АҚШ президенти Жо Байден Зеленский билан телефон орқали мулоқот қилган эди. Америка раҳбари ўз ҳамкасбига Киевни барча зарур нарсалар билан, жумладан, илғор ҳаво мудофаа тизимлари билан таъминлашда давом этишга ваъда берган.
