Баҳрайнда бўлиб ўтаётган оғир атлетика бўйича Осиё чемпионатида терма жамоамиз вакили Адҳамжон Эргашев -67 кг вазн тоифасида даст кўтаришда 138 кг ва силтаб кўтаришда 176 кг, икки кураш бўйича 314 кг натижа қайд этиб, учта олтин медалга эга чиқди. Бу ҳақда ЎзА ёзмоқда.
Шунингдек, -73 кг вазн тоифасида Достон Ёқубов Осиё чемпионатининг иккита олтин ва битта бронза медалини қўлга киритди. Ёқубов даст кўтаришда 140 кг натижа билан бронза, силтаб кўтариш (182 кг) ва икки курашда (322 кг) олтин медалларни Ўзбекистон терма жамоаси ҳисобига ёздириб қўйди.
