Аввалроқ Ўзбекистон президенти амалий ташриф билан Остона шаҳрига етиб боргани ҳақида хабар берган эдик.
Айни дамда давлат раҳбари матбуот хизмати берган хабарга кўра, Мирзиёев хорижий делегациялар раҳбарлари билан бирга Осиёда ҳамкорлик ва ишонч чоралари бўйича кенгашнинг Остона саммитига бағишланган концертни томоша қилди.
Қайд этилишича, тадбир аввалида етакчилар самимий мулоқот қилдилар.
"Остона опера" театрида бўлиб ўтган концертда қозоқ миллий куй-қўшиқлари, классик симфониялар, опера ва балетдан намуналар ижро этилди. Уларда эзгулик, дўстлик, тинчлик каби умумбашарий қадриятлар ўз ифодасини топди", — дейилади хабарда.
